Í nótt snjóaði, mér ekki beint til mikillar gleði eins og Ragnheiði og Önnu Maríu. Þær voru yfirsig hamingjusamar enda að fríka út yfir jólunum Ragnheiður hefur fengið nickname-ið Jólaálfurinn eða Hreindýrið þar sem að hún er ultra jólabarn og hefur mikin unað að því að pakka inn jólagjöfum, sem að er ágætt fyrir mig og Gylfa
En í gær var ég í eðlisfræði prófi, vona mikið að það hafi gengið vel, enda búin að læra ágætlega vel fyrir það og þakka ég einnig kærlega fyrir þessa fínu eðlisfræði strauma sem að mér voru sendir . Það er samt alltaf jafn ervitt að taka þessi próf svona snemma morguns, ég meina maður fer aldrei að sofa fyrr en fyrsta lagi 11-11:30 þvi að maður er að lesa glósur, svo vill maður vakna fyrr til að geta rennt augunum einu sinni enn yfir það sem að maður var ekki allveg með á hreinu og borða vel. Sem þýðir einfaldlega það að maður er að vakna rétt fyrir 6 á morgnanna því að við eigum að vera mætt 07:15.  En gærdagurin var samt ósköp fínn, fórum í okkar síðustu eðlisfræði tilraun okkur til mikillar gleði þá er bara að læra þær allar fyrir verklega prófið sem að ég kvíði frekar mikið fyrir, þetta er fyrsta munnlega pófið sem að ég fer í. En það er allt í lagi.  Í gær eftir tilraunina ákváðum við að gera okkur glaðan dag og fórum við quartettin heim og pöntuðum mat frá Kashmir sem að er frábær Indverskur staður og horfðum á 2x Dagvaktarþætt, þessir þættir eru snilldin ein!  Svo vorum við bara að spjalla og chilla og ákváðum við stelpurnar svo bara að lita á okkur augabrýrnar og stelpurnar klipptu á mér toppin, ég meina það er nú einu sinni kreppa

En þar sem að ég er nú í mjög svo alþjóðlegum skóla, fólk frá öllum heimshornum og mismunandu löndum sem að stundar nám við þennan skóla langar mig að segja ykkur frá 2 dæmum um ólíka menningarhætti.  Ég var að tala við stelpu frá Íran um dagin og vorum við bara svona að spjalla um dagin og vegin, hvar við leigjum og svoleiðis. Svo segji ég henni að ég leigji íbúð þarna og bý með strák. Já segir hún kærastinn þinn. Nei segji ég hann er á Íslandi. Ó jáá er þetta góður vinur kærasta þíns? Nei, þeir þekkja hvorn annann ekkert. Ég vissi ekki hvert hún ætlaði. Og er hann allveg sáttur með þetta? ég meina er hann ekkert öfundsjúkur? og ég veit ekki hvað og hvað. Íranskir strákar væru sko ekki sáttir með það ef að kærasta þeirra væri búandi með einhverjum strák. Þá sagði ég bara já en ég væri bara ekkert sátt við það að búa ein takk fyrir. Ekki slæmt að eiga svona góða íslenska drengi sem að eru ekki að fríka út af einhverjum svona smámálum.  Svo um dagin, fyrir mánuði síðan eða eitthvað þá vorum við í partíi, ég og Ragnheiður förum að heilsa Suður-Kóreu strákunum sem að eru með okkur í bekk.  Það fyrsta sem að þeir segja við okkur er: You all look so different!, og við bara huh? hvað meiniði? Yes all u girl wear make up, look so different from when you are in school.  Já þá voru þeir að reyna að koma því út úr sér að þeim fannst mjög skrítið að við stelpurnar værum ekki alltaf stífmálaðar í háhæluðum skóm í skólanum eða með gleraugun, í hettupeysunum á djamminu. Er ekki pointið með því að fara á djammið að gera sig soldið sætan og fínan annað en dagsdaglega? maður spyr sig.

En ég er að hugsa um að fara að lesa Sálfræði. Er að fara í lokapróf í því á fimmtudagin og ég er ekki búin að opna bók, ætla það ekki einu sinni því að við erum með gömul próf og glósur til að fara yfir.

Verð nú bara að byrja á því að biðjast afsökunar á bloggleysi, en mér til varnar þá var ég búin að skrifa mega færslu síðustu helgi sem að datt svo út.
Vikan hefur farið í eintóman lærdóm, kemur á óvart, en þar sem að það var efnafræði próf í morgun þá varð maður nú að spíta í lófana. Vona bara að þetta hafi gengið betur en hin pófin.  Við erum búin að vera í lífrænni efnafræði sem að mér finnst bara ágæt, miklu skemmtilegri en ólífræna. Kannsi mögulega af því að ég bara skil ekki ólífræna efnafræði.  Svo höldum við bara áfram í ólifrænni-lífrænni efnafræði eða bioinorganic chemistry. smá svona þversögn í gangi en hvað er það nú á milli vina.
En síðustu helgi ákvað ég Ragnheiður og Hemmi að gera okkur glaðan dag eftur Ali tíma og skella okkur á Kashmir sem er unaðslega góður Indverskur staður.  Skemmtum okkur allveg konunglega yfir krepputali og fleiru, keyptum okkur meira að segja kreppu vín sem kostaði ekki nema 2500 HUF flaskan(eitthvað 1500kall) Þegar að við vorum búin að borða á okkur gat fórum við svo yfir götuna á Pars sem er líbanskur staður eða eitthvað álíka og fengum okkur saman eina vatnspípu og drykk. Þar sem að ég hef aldrei reykt gekk það frekar illa hjá mér að púa þetta en Hemmi og Ragnheiður voru allveg að standa sig. Er að bíða eftir að Ragnheiður smelli þessum myndum inn á Facebook. Eigandinn kom svo og gerði ógeðslega flotta reyk hringi, á stærð við kleinuhringi, mega cool.
En því miður er líf mitt rosalega tilbreytingar lítið. Við erum byrjuð að læra mikið meira en við gerðum þar sem að það styttist í lokapróf og það er eitthvað af kaflaprófum á næstunni. Ég lifi bara á því að bráðum fer maður heim. Ég hef nú samt sem áður ekki fengið beint heimþrá heldur er manni bara farið að langa að koma heim og hitta alla. Það er helst að maður sé farin að sakna litlu hlutana eins og að borða kvöldmat með fjölskyldunni, kíkja í ísbíltúr eða bara horfa á fréttir. 
En ég ætla bara að fara ða drífa mig uppá bókasafn. Þarf að undirbúa eðlisfræði tilraun sem er í kvöld og byrja að læra fyrir eðlisfræði próf sem er á mánudag. This is the neverending story.  Hlakka samt eiginlega mest til að geta tittlað mig sem "læknanema" finnst ég ekki geta það nuna þegar að ég er bara í einhverjum efna og eðlisfræði áfaungum. En gott fólk endilega sendið mér gáfulega eðlisfræðilega strauma

í dag er allt lokað hérna úti útaf því að í dag er allraheilaga messa eða eitthvað álika.  Að sjálfsögðu er ég og Gylfi að læra eðlisfræði því að við erum að fara í okkar vikulega Ali tíma í kvöld, fórum reyndar líka í gær en það er annað mál.  Lífið hér gengur bara sinn vanagang, læra, borða sofa. Þetta er ekki beint flókið, en í gær var Halloween og afmæli hjá Sigrúnu þannig að við skelltum okkur í búninga, Gyfli var gamall kall og ég var Rómverji.  Þar sem að Gyfli er MR-ingur var hann ekki lengi að kippa lakinu af rúminu sínu og sína mér hvernig Toga er bundið. Verð að segja að þetta var snildar reddíng á síðustu stundu. Var svo búin að stela Bergfléttu frá Student Hostelinu, búin að lita laufin gullituð, fá vír í blómabúðinni og búa til Krans eins og Sesar var með. Við vorum svo bara komin heim um 12 og ég sofnuð stuttu síðar. En búningarnir í þessu partíi voru alger snild, hvet fólk til að fara inn á Facebook hjá mér og leita sig svo áfram á facebookum hjá hinum nemendum til að sjá allar myndirnar. Held samt að strákur sem heitir Doddi hafi verið í flottasta búningnum; kom sem bankamaður með skjalatösku og nafnspjald sem á stóð: Þórður Gunnar Þorvaldsson; Terrorist/Invester/Banker/Thief " I can promise you that I will take your money, but I can not guarantee that I will give it back" alger snilld, Kíkjiði á facebook hjá Ragnheiði, eða bíðið þar til að Gylfi smellir þessu inn. Svenni var svo sérlega frumlegur, með pappa spjald utanum hálsin sem á stóð; "Will suck cock for foreign currency" Við erum þó með húmor, getum glaðst yfir því. 
En áðan kíkti ég út á svalir og var bara að virða fyrir mér útsýnið yfir næstu blokkir, sé ég ekki bara sígauna vippa sér yfir girðinguna í næsta húsi og byrja að róta í ruslatunnu gáminum(þetta er blokk) á meðan stóðu 3 aðrir fyrir utan og svo var matarafgaungunum dreift á milli.... fokking ógeð! þið afsakið munnsöfnuðin, en að sjálfsögðu myndaði ég þetta, passaði mig samt á því að þeir myndu ekki sjá mig. Creepy sígaunar.
En ég ætla að halda áfram að læra, wúpee!

Var að koma heim úr Latínu prófi,eða réttara sagt Medical English, gekk bara svona ágætlega, held að við fáum úr því eftir viku.  Annars er restin af vikunni annsi róleg, verklegur eðlisfræði tími er búin, tilraunin gekk rosalega vel þar sem að quartettin skipti niður verkefnum og náðum við að klára meira en við þurftum að gera í þessum tíma.  Spjölluðum meira að segja aðeins við kennaran um stöðu íslands, það vita allir hvar við stöndum, Sorglegt. En svo spurði kennarin mig þegar að ég var ða labba út, And how many people, live in iceland?(lesist með austurevróskum hreim, eða eins og ungverjar túlka þetta "mið" evrópa(Central Europe)) og ég náttlega agalega stolt af minni þjóð, 300 thousand people. Þetta þurfti ég að endurtaka nokkrum sinnum svo að hann skildi mig nú allveg örugglega. Já við erum jafn stór og Debrecen og nálægir bæir til samans. 
En að sjálfsögðu var alltaf jafn gaman í skyndihjálpinni í gær, við fáum að fara og skoða sjúkrabílastöðina hérna í Debrecen þar sem að þeir eiga einhverja sérstaka dúkku, svona eins og maður æfir sig í skyndihjálp sem er tengt við tölvu þannig að hún er kannski hóstandi eða ælandi, eða segir; mér líður frekar illa, eða eitthvað, getur sem sagt prógramað hana til þess að líkja eftir hvaða atviki sem er, frekar cool. Og að sjálfsögðu er þetta eina svona dúkkan í ALLRI Mið-evrópu.
En núna ætla ég aðeins að spæla ykkur heima, í dag er 28 október og við erum hér í léttum jökkum eða bara á peysunum úti í goody feeling, í janúar mun nýr verslunarplasi opna eða réttara sagt nýja plazað, og gott fólk, beint sérstaklega til Evu Z, þar verður sko H&M! og svo á Ikea að fara að opna líka þannig að þá fer mín sko í sænskar kjötbollur, get ekki neitað því að við höfum spjallað smá um þetta hehehe.
En ég er farin að læra, þar sem að Fjölnir var að hringja í mig og tilkynna mér að hann ætlar bara að búa á bókasöfnum í dag, get ekki verið síðri en hann

já gott á fólk, ég sit hér á bókasafninu að berjast við það að læra. Get ekki sagt það að einbeitingin hjá mér sé í Maxi, getur verið af því að ég var mætt klukkan 8 í morgun.  Mánudagar eru ótrúlega fínir dagar upp á það að það er engin tími fyrir hádegi og getur maður náð að komast yfir smá efni áður en að skóladagurinn hefst.  En undanfarnir dagar hafa aldeilis verið fjölbreyttir. Á miðvikudagin fórum við krakkarnir á djammið í tilefni af því að það var vetrafrí fimmtudag og föstudag.  Eftir góða upphitun heima hjá Svenna var ferðinni heitið á Club Cool þar sem að ég, Gylfi og Ragnheiður vorum til lokunar, þetta er fyrsta sinn sem að ég er á skemtistað til lokunar. sporvagninn var meira að segja farin að ganga.
Fimmtudagurinn fór svo að sjálfsögðu í tilheyrandi þynnku og sjónvarpsgláp.
Eldsnemma á föstudagsmorgnunin, réttara sagt klukkan 6 um morgunin vorum við svo vöknuð til að ná 7 lestinni til Búdapest.  Ég, Ragnheiður, Gylfi, Anna María og Kári mættum öll hress en lentum í mismunandi vögnum. Ég og Gylfi vorum saman og ætluðum að reyna að nota tímann til þess að lesa eðlisfræði. Þið getið rétt ýmindað ykkur hvað það gekk vel klukkan 7 um morgunin og að sjálfsögðu fór ég bara að dotta.  Þið vitið þegar að maður sefur sitjandi þá fer höfuðið alltaf að detta fram og þá hrekkur maður upp, í hvert sinn sem að það gerðist vaknaði ég og var þá ekki einhver gaur alltaf að horfa á mig. Þessi creepy gaur starði á mig og Gylfa til skiptis í 2,5 klst.  Ég var frekar fegin að fara úr lestinni þegar að við komum svo til Búda.  Ég og Ragnheiður höfðum bara eitt mission í þessari ferð og það var að versla í H&M. Við byrjuðum fyrst á því að fylgja Önnu í litun og klippingu i Tony&Guy og drifum okkur svo í H&M leit, það gekk reyndar ekki allveg nógu vel, ég var búin að finna götuheitið á netinu Váci u. Vissi ekki að það eru til 2 Váci í Búdapest, önnur Váci utca, hin Váci u. En a endanum fundum við hana eftir að ég spurði bara einhverja gellu í neðanjarðarlestinni hvort að hún vissi ekki hvar H&M væri. Það sem að maður gerir ekki fyrir smá shopping.
Strákarnir nentu nú ekki að hanga þar þannig að þeir fóru bara á röltið.
Við hittumst svo öll á Iguana og borðuðum svínarif sem að Gylfi var búin að bíða eftir í 2 mánuði en stóðust ekki undir væntingum, þið getið kíkt á myndir af matnum á myndasíðunni, mér fannst þau fín og borðaði lang mest af öllum
Svo endaði ferðin á því að við gylfi og ragnheiður tókum síðustu lestina heim, hinir voru eftir og ætluðu að partíast. Þegar að við komum í lestina, örþreytt eftir dagin, hver situr ekki við hliðiná okkur, engin annar en creepy gaurin.  og að sjálfsögðu hlustaði hann á samtal okkar við sænska stelpu(hún er á 1. ári) með mikilli athygli, ég naði meira að segja mynd af honum, það er gaurinn í appelsínu gulupeysunni í lestinni.
En ég ætla að drífa mig í að læra meira, kem heim algerlega steikt af lærdóm. nei nei engar áhyggjur það er nóg af hlutum sem að dreifa athygli manns, eins og rétt í þessu var verið að sprengja eitthvað hér rétt hjá og dúuðu öll glerin í byggingunni sem ég er í og næstu ( þetta eru 2 risa glerbyggingar hlið við hlið) get ekki neitað því að maður var annsi hræddur, fékk smá svona "shit, er þetta terrorist sprenging" já maður er orðin rosalega heilaþvegin, vitum samt ekkert hvað þetta var, mögulega bara verið að sprenga fyrir grunni á húsi.
En í bili bið ég að heilsa ykkur.

Ótrúlegt en satt þá er ég tilbúin á undan karlkyninu, já þegar að ég er heima að taka mig til fyrir djammið þá er ég alltaf svona 15 mínútum á eftir áætlun Fjölni til mikils ama, en hér í ungó er ég betrumbætt manneskja og er á undan Gylfa .  Við erum sem sagt að fara að hitta Önnu Maríu og Kára á veitingastað áður en við förum í partí. Geri rað fyrir að núna séu margir hverjir í áfalli að lesa það að ég, Helga Rut, sé að fara á djammið á virkum degi, en engar áhyggjur það er frí á morgun.  Á morgun er eiginlega þjóðhátíðardagur Ungverja, á þessum degi hröktu þeir Rússa úr landinu eftir 40 ára veru og komminsma.  Efnafræði kennarinn okkar sagði við 2 bekkjarsystkini mín í dag: verði ykkur að góðu með Rússa lánið, þeir verða hjá ykkur næstu 40 árin.  En förum yfir á léttari nótur, ég og Ragnheiður fórum að dinglast í dag og smá beuty therapy, ekki veitti mér af þar sem að ég er með 4 stærðarinnar Mosquito bit í andlitinu á mér já ég lít eiginlega út fyrir það að ég hafi verið kíld. Þannig að við fórum bara í Douglas's og ég keypti eitt stykki meik og púður í Rossmann og svo var bara sparslað vel og vandlega upp í þetta.

En núna er Gylfi reddí og við eigum að vera mætt á veitingastaðinn eftyr 15 min með viðkomu hjá Önnu. Smelli inn annarri færslu á morgun um síðustu viku.

 

í dag eru ekki nema 69 dagar þangað til ég kem heim á góða klakann, já þetta sko líður. Í gær var hið umrædda efnafræði próf eins og þið flest öll vitið mest líklega.  Því miður var ég allt of bjartsýn að ætlast til þess að ég geti lært efnafræði 103, 203 og 303 á 1 degi og gekk því ´prófið ekki beint glimrandi, EN EF ég hefði lært eitthvað af viti þá hefði ég sko massað próf því að það var ekki ervitt. Rosalega var samt ervitt að vakna klukkan 6 um morgunin og vera lögð af stað uppí skóla korter í 7. En allaveganna ég bara gleðst yfir því að þetta skiptir engu máli upp á lokaeinkunn og ætla bara að vera duglegri í framtíðinni. 
Í gær í tilefni þess að við vorum búin með fyrsta prófið ákvöddum við að hittast heima hjá Önnu Maríu, panta pizzu og fá okkur öl.  Kári sem er einnig á 1. ári var einmitt með vini sína í heimsókn hérna þannig að við vorum allnokkur.  Eftir sjúklega langan dag vorum við kominn til önnu að verða hálf 10 og búin að borða að verða hálf 11.  þá beilaði ég vegna þreytu en hinir héldu sko aldeilis áfram í partí stuði.  Á mánudagskvöldum er 1 skemmtistaður opinn og þangað fór hópurinn, svo á Route 66 að fá sér að borða og klukkan hálf 5 í morgun mættu RAgnheiður og Gylfi heim galvösk og vöktu mig. Stuttu síðar hringir Anna María og segir að hún sé að koma ásamt einum vininum(þeir sem voru með mér í Flensborg þá var þetta Níels sem var með okkur í efnafræði og líffræði) því að þau voru bæði læst úti þar sem að Kári var dauður og hinn vinurinn líka.  Þá var bara dreift á sófa og rúm og sváfu allir vært í þessa 3 tíma þangað til að ég þurfti að vakna og fara að læra fyrir Tölvunarfræði tímann minn. Var sem sagt með heimavinnu í Excel sem að ég var ekki allveg að skilja og gat enginn af krökkunum hjálpað mér.  já við sökkum í excel, eða reyndar ekki ég þar sem að ég er 1x í viku í tölvunarfræði, og já þið giskuðuð rétt, ég er eina hvíta manneskjan þarna inni hehehehe en þetta er allt í lagi þar sem að kennarinn elskar mig geðveikt mikið og hringdi meira að segja í yfirmann eðlisfræðideildarinnar til þesss að finna út smá um tölfræði próf sem að ég var ekki með á hreinu. Hefðu allir kennarar gert það? nei, held nú ekki.

En í gær eftir prófið þá fórum við í skyndihjálpar tíma. Sem mér finnst by the way rosalega skemmtilegir því að kennarinn er ekkert nema yndisleg. Ung stelpa sem er læknir og vinnur í sjúkrabíl.  Ætli hún hafi ekki bara sýnt okkur mynd í símanum sínum af afleiðingum hjónarifrildis, maðurin og konan voru sem sagt að rífast og eiginkonan var ekki nógu sátt og ákvað bara að drífa þetta rifrildi af og tók bara hrífu(já eins og maður rakar gras með) og barði í höfuðið á eiginmanninum sínum!! þetta var ekkert smá cool, bara kall á börum með hrífu, teinarnir voru rauðir by the way, í höfuðkúpunni og með sprautu í þokkabót standandi út úr höfðinu.  Talandi um að hver dagur er öðruvísi en hinn.
En núna er ég farin að sofa, enda ekkert nema þreytan eftir langan dag og eina góða tescoferð þar sem að það var enginn matur lengur til nema hrökkbrauð, 2 epli og 2 gulrætur sem ég endaði með að taka allt með í nesti. Var svo sannarlega ekki að fíla það að vera með eitthvað anorexíu nesti.  það var ekki einu sinni til ostur á hrökkbrauðið. 
Þar til næst, heyrumst.

já í dag var sko svo sannarlega góður dagur.  Í dag var ég með kynningu í Biophysiscs um "contrast enhanced 3D vascular ultrasound imaging" eða sónar með sérstöku efni sem að gerir okkur kleift að sjá skýrari myndir.  Ég var búin að vera í eintómu paniki alla vikuna, er að sjálfsögðu að drukkna í vinnu og þurfti samt sem áður að leggja allt til hliðar svo að ég gæti gert fyrirlesturinn minn almennilega.  Mér fannst samt eins og ég væri ekki allveg að kveikja á þessu efni og var alltaf að velta vaungum yfir því hvort að ég væri að ná aðalatriðinum úr efninu eða ekki.  Í gær ákvað ég að tala við Ali sem er að kenna mér aukatímana í biophysics og biðja hann um að renna með mér yfir 2 hluti sem ég skildi ekki allveg um einhversskonar bylgjur sem að láta myndirnar vera skýrari.  Eftir að hann kíkti yfir fyrirlesturinn og sagði við mig að þetta væri flottur fyrirlestur stökk sjálfstraust mitt um svona 40 stig og ég ákvað þaðan af að ég yrði með The most AWESOME fyrirlestur EVER! því miður hefur Gylfi, Ragnheiður og Anna þurft að hlusta á mig segja þetta óeðlilega oft á 1 sólarhring.  En gott fólk þetta borgaði sig svo sannarlega því að ég gat komu þessu frá mér áfallalaust, fékk 3 stig sem er það mesta sem maður getur fengið sem þýðir það að ég er komin með 0,3 upp í lokaeinkunina mina í Biophysics. Og hvað þýðir þetta? Jú, þetta þýðir það að ég er 0.3 nær að koma heim um jólin og ekki skemmdi fyrir að fá frá prófessornum "that was a nice presentation" já góður dagur.

En á mánudagin er fyrsta efnafræði prófið. ég ekki enn byrjuð að læra, út af kynningunni.  Þarf einnig að fara til Ali á morgun, skipti frá sunnudögum út af því að öll kaflapróf eru á mánudögum og það er bara ekki að gera sig að vera að hjakkast í eðlisfræðinni alla helgina, Í kvöld og á morgun fyrir 10 verður gert heimsmet í að læra minimala á sem skemstum tíma eða eins og við segjum "Lengi lifi minimalarnir" (minimalar eru skilgreiningar á hinum ýmsu hlutum, fyrirbærum og formúlum í eðlisfræði t.d. why is the spectrum of beta decay continuos? Besides an electron(or a positron) an antineutrino (or a neutrino) is also emitted, and the energy of the decay is shared randomly by the two particles.) já þetta var einn í frekar styttra lagi-meðal lagi.

Prófið verður klukkan 07:15 um morgunin og eru öll prófin á þessum tíma. Okkur verður svo dreift um allt háskólasvæðið því að hver deild/sérhæfing er með sitt eigið húsnæði og þar eru allstaðar fyrirlestrarsalir.  Háskólasvæðið er ekkert nema risastórt svæði með fullt af húsum og hvert hús er annaðhvort geislafræði, kvensjúkdómafræði og svo framvegis og eru þarna læknar og hjúkkur að hugsa um sjuklinga.  Þannig að þegar að maður er að labba á milli bygginga er fullt af fólki að labba með blóm að koma að heimsækja einhvern, fólk í sloppum, inniskóm og náttfötum á röltinu að reykja eða bara hreyfa sig.  Mer finnst geðveikt kúl ef að það væri alltaf fullt af fólki í sloppum og náttfötum að labba í kringum háskóla íslands.  Svo í dag þá förum við fram hjá einu af líkhúsunum og var ekki bara líkbílinn parkeraður fyrir framan. Höfum reyndar séð þá einu sinni verið að ferma inn lík.  Mér finnst það soldið skondin hugmynd að eftir nokkur ár þá verður ekkert eðlilegra en að krukka í einhverjum líkum. 

En núna þarf ég að fara að koma mér í eðlisfræði tíma. Við ákváðum að taka þennan tíma sem á að hjalpa okkur að skilja eðlisfræðina sem að við erum í núna.  Þetta er nú reyndar bara eðl 103,203 og 303 skellt saman.  Þannig að við Gylfi ætlum bara að nota tíman til þess að læra minimala. Svo að sjálfsögðu eins og góðu föstudagskvöldi sæmir ætlar Ragnheiður að koma með okkur heim, borða með okkur og svo er Movie night.  Ragnheiður hefur einhverja hluta vegna ekki séð neina bíómynd fyrr og síðar og er Gylfi að taka hana í kennslu.  Stefnan er sett á að hún verðu búin að sjá klassíka eins og Star Wars, Ghost Busters og fleiri áður en að þessu námi líkur.  Ég reyndar frekjaðist í kvöld og valdi Pans Labyrinth af því að hún er bara geðveik. 
Bið að heilsa öllum heima og bið þá vinsamlegast að senda Flugleiðum góða strauma svo að ég komist nú örugglega heim um jólin

Hvað er eiginlega í gangi á íslandi!!! Það er búið að loka fyrir það að við getum tekið út pening, því að sjálfsögðu er Forintan erlendur gjaldmiðill og því að það er enginn gjaldmiðill til á íslandi. í gær fór ég og Gylfi í 3 hraðbanka og af 3 kortum, þar af 1 Visa gátum við tekið út 30,000 HUF samanlagt, (Gylfi 25 og ég 5) eða svona um það bil 20 þúsund.  Sumir krakkar hafa verið að lenda í því að fara í til dæmis Tesco og versla sér mat, svo fá þau bara synjun á kortið og þurftu að labba með allar vörur um búðina og raða þeim aftur upp í hilluna með öryggisvörð sem að fylgdist með hverju spori.  Um mánaðarmótin voru 1 par sem að áttu í mestu erviðleikum að ná út nóg pening fyrir leigunni sinni.  Ég verð nú að viðurkenna það að maður er frekar hræddur og bara við almennt erum hrædd. Við vorum hópur af krökkum hjá strák sem heitir Svenni í gærkveldi, sem er einnig á 1. ári, hann er menntaður viðskiptafræðingur og verðbréfamiðlara og gátum við fengið góðar útskýringar á þessum málum í grófum dráttum.  Ef að allt fer meira til fjandans og Flugleiðir fara bara á hausinn þá kemst ég ekkert heim um jólin!!! já, ég er self-centered og er að hugsa um flugið mitt en ekki íslenska hagkerfið.  Ég talaði við pabba í gær og hann sagði bara a ísland væri að fara á hausinn. Takk fyrir, fyrir sko ári síðan vorum við albest í heiminum. 

En til þess að fara yfir á minna depressing nótur þá er vika 4 búin í skólanum.  Prófin og verkefni fara nú óðum að hrynja inn.  Er með kynningu i Eðlisfræði á föstudag, er drullusressuð fyrir henni. Ég er með einhversskonar þríviddar sýn á æðar, er ekki farin að lesa það almennilega yfir.  Svo á mánudagin eftir viku er 1. efnafræði prófið, vikunni eftir það er svo tölfræði sem að ég sökka í.  Langar stundum til að berja sjálfan mig fyrir að hafa ekki fylgst með Dagrúnu í stæ 313. En það er víst alltaf gott að vera vitur eftir á.  Svo á þriðjudagin er próf í bókasafnsfræðum eða eitthvað. Við erum í tímum þar sem að yfirbókasafnsfræðingur bókasafnsins er að kenna okkur að leyta að allskonar efni í læknisfræði databeisum.  Rosalega gaman eða hitt og heldur. En þegar að það er búið þá fæ ég að sofa aðeins lengur út á þriðjudögum sama er með tölfræðina þegar að prófið er búið þá detta niður 4 klukkutimar úr töflunni minni + 2 úr Librarian, þannig að nægur tími bætist við til þess að lesa efnafræði og eðlisfræði sem að ég er bara ekkert nema hamingjusöm yfir. 

En að öðrum málum.  Eins og ég hef sagt áður þá tala ég uppúr svefni og aumingja Gylfi þarf að gjalda fyrir það.  Í vikunni var ég farin að sofa rétt eftir 10 eins og svo mörg önnur kvöld. Gylfi var áfram vakandi og þegar að hann fór svo að gera sig til fyrir háttin setur hann örygiskerfið á. Fyrir mistök stimplar hann óvart inn eins og hann sé að fara út úr íbúðinni og kerfið byrjar að telja niðu; bíb......bíb.....bíb.... heyrir Gylfi þá ekki allt í einu að ég öskra: HVAÐ ÞYKISTU VERA AÐ GERA DRENGUR!!!! Gylfi labbar þá inn til min að fara að fara að svara fyrir sig en þá var ég steinsofandi.  Aumingja Gylfi.

En ég ætla að fara að drífa mig í lærdómin. Nóg af efni til að fara yfir eins og venjulega og mig langar einu sinni til þess að komast yfir allt efnið sem að ég ætla mér. Efast samt um það.  
Bið að heisla öllum taugahrúgunum á klakanum.  

já í dag/þennan morgun eru margir nemendur debrecen enn uppí rúmi í þynnku, enn sofandi eða hafa náð að staulast inn á klósett til þess að líkamin geti afneitt öllu áfenginu sem var innbyrgt í gærdag. Í gær var sem sagt Baptism eða busavígslan. Hún fólst í því að klukkan 16:00 hittust nýmenar á El Tornado sem er skemmtistaður, þeim var skipt í hópa eða lið og svo áttu þau að fara um allan bæinn í drykkjukeppni að gera hinar ýmsu þrautir.  Þetta átti sem sagt upprunalega að vera 6 stöðvar eða 6 barir en því miður var fólk svo ofurölvi að þeir urðu í raun bara 4 eða 5.  Á þessum stöðvum voru þrautirnar að sjálfsögðu mjög mannbætandi og verðandi læknum mjög sæmandi, tökum sem dæmi: á einum barnum var lærið á Gylfa vaxað og þau fengu stig fyrir það, margir hverjir voru naglalakkaðir meðal annars Gylfi með þessum fína rauða lit, svo var teiknað á gylfa augnblýantur um augun og varalit eins og Jokerinn í batman.
Stelpurnar hins vegar voru meira í því að þurfa að strippa fyrir stig, gera lapdans fyrir stig og svo framvegis. Á meðan þessu stóð þurftu nemendurnir að innbyrgða áfengi í lítravís í formi vodka skota og bjórs.  Klukkan 21:00 þurfti Ragnheiður að bjarga einni stelpu heim því að hún gat hvorki staðið né setið og voru margir hverjir sem voru orðnir YFIRSIG hressir rétt um 21;00. Klukkan 11-12 var fólk komið upp á stóla og borð dansandi, ein meðal annars datt af stólnum en lagaði bara stólinn og hélt áfram. Á meðan þessum herleg heitum stóð var ég sannur nörd, heima að læra og horfandi á dagvaktina vegna flensuskíts. En svo um tíuleytið skellti ég mér á El Tornado til þess að kíkja á liðið og jesús, ég varð bara full á því að koma inn á staðinn! Fólk var bara í tómri vitleysu hehehehe.  Svo var bara dansað og nokkur glös drukkin og kvöldið endað á Route 66 þar sem að heilaga þrenningin fékk sér smá í svangin (ég, gylfi og ragnheiður).  Ég held að Gylfi hafi verið rússneskur togara sjómaður í fyrra lífi. Drengurinn getur drukkið non stop og það sést ekki á honum. Svo vaknar hann bara hress dagin eftir eins og ekkert hafi gerst.  Jafnvel í gær eftir 10 tíma stífa drykkju var hann bara léttur.
En vikan í skólanum líður bara eins og alltaf, fáránlega hratt.  Á mánudagin fórum við með samskiptafræði kennaranum okkar á heimili fyrir fötluð börn og fullorðna.  Heimilið er algjörlega til fyrirmyndar, hátt í 200 heimilismenn.  Okkar fannst æðislegt að fá að koma og skoða og það var að meira að segja 1 stelpa í bekknum mínum sem að er farin að vinna þarna í smá sjálfboða vinnu.   Á einni deildinni eru strákar sem eiga við mikil vandamál að stríða. Einn þeirra var fundin þegar hann var 10 ára og var tekin frá fjölskyldu sinni og hefur verið núna á heimilinu í 8 ár.  Hann fannst í svínastíunni þar sem að hann var hafður með svínunum og um kvöldið þegar hann var baðaður voru brunaför um allt bakið á honum því að foreldrar hans höfðu slökkt sígarettunum sínum á bakinu.  Þið getið rétt ýmindað ykkur hvað hann er skemmdur.
Á eftir erum við svo að fara í aukatíma í eðlisfræðinni hjá Ali. Mér finnst ekkert leiðinlegt í skólanum so far, það er bara svo leiðinlegt að skilja ekki allveg hvað maður er að læra.  En eðlisfræðin er allveg að gera sig núna, mér finnst hún rosalega áhugaverð, við vorum sem sagt í vikunni að læra hvernig mismunandi geislar virka á krabbamein en að sjálfsögðu er hún rosalega flókin en svona í megindráttum skil ég þetta.
En núna ætla ég að fara að skella mér í sturtu og hressa mig við fyrir átök dagsins sem felast í eðlis og efnafræðinni. 
Svona rétt í endann þá langar mig bara að segja að það er glampandi sól og 20°C og klukkan er nákvæmlega 11:00 geri þið betur hehehehe

Ótrúlegt en satt þá er ég búin að vera hérna í landi Svanga mannsins í heilar 5 vikur! mér finnst þetta allaveganna mjög merkilegt.  3. skólavikan er hafin og já, skólin þyngist bara og þyngist.  Við Gylfi tókum þá sameiginlegu ákvörðun í gær að fara að leggja meiri metnað í námið því að það lítur allt út fyrir það að ég verði komin heim á aðfangadag!!!!!!!!!!!! já, prófin eru dag eftir dag, efnafræði og eðlisfræði, 22. og 23. desember og við svo heim.  Málið er að ef að við föllum þá verðum við að bíða í heila viku eftir séns B, þannig að við ætlum bara að massa þetta og vera mætt í leifstöð klukkan 16:00. Þið getið rétt ýmindað ykkur hvað ég er orðin spennt, talaði við Fjölni um dagin og hann tók bara lagið af gleði; Jólagjöfin er ég og þú! Og mun ég eyða aðfangadagskvöldi í Staðarhvammi 3 þessi jól (heima hjá Fjölni).
Á föstudagskvöldið ákváðum við quartettin (ég, Gylfi, Ragnheiður og Anna María(hún kom smá seint út)) að skella okkur á djammið í tilefni af því að Anna María missti af nýnema djamminu.  Við byrjuðum niðrí bæ hjá Ragnheiði og Bergþóru(2. árs nemi) og nokkrir fleiri 1. árs nemar komu líka, eftir ágæta upphitun lá leið okkar í partí hjá 2 íslenskum strákum þar sem að hellingur af íslendingum voru og 1 útlendingur sem hét einmitt Sennep, ég gat bara engan vegin heyrt hvað hún hét þannig að hún bara, You know Sinnep? yeah, its that just Sennep. Eftir partíið fórum við á skemmtistað sem heitir Silence þar sem við skemmtum okkur konunglega til rétt eftir 4, þá fórum við Gylfi og Ragnheiður heim þar sem að Ragheiður var læst úti, ég vippaði upp mínum frábæru amerísku pönnukökum með sírópi og við skriðum svo tvær uppí rúm rétt fyrir 6.  Ég verð nú að viðurkenna það að vegna lélegrar heilsu var lítið lært á laugardagin.  Ég sem að drakk hámark 1x í mánuði heima er bara komin í ruglið hérna úti, enda skilur Fjölnir bara ekkert í þessu. Sumir íslensku strákarnir fara jafnvel svo langt að kalla Deprecen borg syndanna, er ekki allveg að kveikja á þvi.

En svona smá af heimilislífinu okkar Gylfa. Það mætti halda það að við hefðum alltaf þekkst, erum algerlega á sömu bylgjulengd og hjálpumst að með alla hluti.  Við til dæmis eldum alltaf saman, þrífum íbúðina saman og svo framvegis.  Málið er að arkitektúrinn hérna er ekkert mikið til þess að hrópa húrra fyrir, það er engin einangrun í einu né neinu þannig að við sofum bara með opnar hurðir bæði tvö.  Laugardagskvöldið áður en ég fór að sofa ákvað ég að lesa smá eðlisfræði fyrir svefnin, slekk svo og sofna strax eins og alltaf.  Skyndilega vakna ég við það að Gylfi kallar einhverntíman um nóttina "HELGA, Helga er allt í lagi?!?! er eitthvað að??" og ég bara ha?? hva hva, hvadda tala um? G: "Þú varst að öskra FOOOOOOOOKKKKKKKKK!!!!!!!" mig var sem sagt að dreyma það að ég væri aaaaalveg að fatta út á hvað þessi eðlisfræði gengur en svo kom einhver í draumnum og sagði nei þetta er ekki rétt og af einföldum pirring hafði ég sem sagt öskrað fokk. Aumingja Gylfi hélt að það væri verið að brjótast inn í íbúðina. Já, ég öfunda ekki Gylfa að búa með svona brjálæðing.

Á sunnudagin fórum við svo í aukatíman hjá Ali og verð ég bara að segja það að hann er ekkert nema æði!! ég er svo sátt að hafa farið í þessa aukatíma að ég get ekki líst því. Skyndilega bara opnaðist þetta allt saman! og þessi eðlisfræði virkar ekkert svo hræðileg eftir allt saman.  Við erum s.s. að læra um X-ray geisla, hvernig þeir verða til og svo framvegis og hvernig við getum notað þá og svo framvegis. Nema hvað að þetta er svo ógeðslega ervitt og maður hefur bara ekkert lært þetta áður að þið gætuð allveg eins skellt mér í stól forstjóra Kringlunnar eða Glitnis og sagt við mig: stjórnaðu þessu fyrirtæki. 
En í kvöld er okkur Gylfa boðið í mat til RAgnheiðar, það skemmir heldur ekki fyrir að þær eru með netið OG með Smart síma þannig að í kvöld fá nokkrir útvaldir aðilar símtal frá mér Þannig ef að þið viljið að ég hringi í ykkur þá sendiði mér bara SMS og ég gef ykkur símatíma hehehe.
Núna verð ég hinsvegar að fara að snúa mér að náminu, 2 tímar á netinu eru búnir að taka nóg af læri orkunni í bili.
Bið að heilsa heim.

Já 2. skólavíkan er nú hafin.  Skólin er bara ótrúlega fínn, ekkert allt of mikið að gera en ég mætti nú allveg vera duglegri svona til þess að vinna mig fram í tíman. 
Í dag var ég búin í skólanum klukkan 10 um morgunin.  Við vorum í 3x efnafræði tilrauna tíma og var þetta fyrsti tíminn.  Ég var svona pínu stressuð fyrst, vissi ekki við hverju ég ætti að búast en svo var þetta bara allveg eins og í Flensborg nema það að kennarinn er aaaðeins öðruvísi.  Tilrauna prófesorinn er ótrúlega fyndin típa. Þykist vera rosalega cool, með eitthvað plast drasl upp í sér sem að maður notar til að hræra í kaffi, held að hann sé að reyna að vera svona Clint Eastwood efnfræðinnar. Svo kallar hann alla alltaf "Ladies". Það eru 2 strákar með mér í bekk frá Svíðþjóð, annar svartur og hinn frá einhverju arabalandi, þið vitið bara stórir íþróttalegir strákar og kennarinn miklu minni alltaf eitthvað Ladies! Keep on working! já þeir voru ekkert sérlega sáttir.  Við vorum þarna í rétt 2 tíma að keppast við það að klára þessar tilraunir með hann öskrandi yfir okkur; Only 10 minutes to finish! quikly now! við eigum samt allveg tima til 11 þannig að ég held að hann hafi bara ekki nennt þessu.

Í gær vorum við líka í langri eyðu þannig að ég og Gylfi drifum okkur í niðrí Plaza(fjörðurinn) til þess að tékka á netinu okkar. Við erum sem sagt komin með ráderinn en getum ekki tengst netinu.  Við mættum þarna niðrettir, engin talar ensku nema einhver dama sem getur rétt babblað sig í gegnum hana.  OG viti menn!! við þurfum að bíða í 30 daga!!!! eftir netinu!! skilst sem sagt að við þurfum að bíða þar til að reikningurin kemur í pósti svo við getum borgað hann.  En ég er ekki viss, því að hún sagði bara you pay´d?
þannig að þangað til þurfum við alltaf að rölta yfir á bókasafnið. ekkert svo slæmt en það er oft fyrri part dags þegar að allir eru í vinnu eða skóla.
Í kvöld er svo fótbolti gott fólk!! Já, ég er að fara að spila fótbolta 2x í viku, ég antisportistinn sjálfur er að fara að hitta allar íslensku stelpurnar og spila fótbolta 2x í viku. Skólin krefst þess af okkur að við tókum íþróttir, getum valið um allskonar eins og að fara í ræktina en held að það sé sterkur leikur upp á að kynnast öllum hérna og actually mæta.  
Svo erum við íslendingarnir að byrja í aukatímum í biophysics(eðlisfræði) hjá einhverjum Írana sem heitir Ali.  Hann er víst snilldar kennari og hefur hjálpað íslendingum í gegnum þennan blessaða áfanga núna í 4 ár.  Þessi áfangi er sem sagt í rauninni sían upp á það hvort að þú þurfir að endurtaka árið eða ekki.  Hann er líka allgert drep! en Ali segir að þetta sé ekkert mál þannig að á laugardagin mætum við bara galvösk til hans í 3 tíma til þess að liggja yfir eðlisfræðinni.
Annars er allt bara rólegt hérna í Debó, orðið reyndar skítkalt 8°C og ég bara í gaunguskónum í grenjandi rigningu. Allir komnir í úlpur og með regnhlífar. Það styttist óðum í lopasokkana og fínu fínu dúnúlpuna sem að Fjölnir gaf mér  
Þangað til næst bið ég bara að heilsa öllum. 
 

Heyriði, Gylfi er miklu sniðugri en ég þannig að hér eru einhverjar myndir:

http://picasaweb.google.com/gylfijon/

Já gott fólk. nú er fyrsta skólavikan mín búin sem 1. árs læknanemi í háskólanum í Debrecen.  Verð ég nú að viðurkenna það að mér finnst ég vera mjög lítil og finnst ég vera frekar týnd. 
Á mánudagin var sem sagt fyrsti skóladagurinn minn og fékk ég stundatöfluna mína á fimmtudagin í síðustu viku.  ég er í 7 fögum sem eru reyndar misstór en þau stærstu eru Medical Chemistry (læknisfræði efnafræði) og BioPhysics (Eðlisfræði).  Efnafræðin er hingað til bara eins og Flensborgarefnafræðin þannig að ég tel mig standa ágætlega í henni.  Eðlisfræðin er ekki jafn auðveld.  Ég er búin að fara í 2 tíma í henni og þetta er bara einhver klikkun! erum að læra um X-ray (röntgen geisla) og gamma geisla og eitthvað álika sem að ég hef bara aldrei komist í kynni við.  Þessi áfangi er erviðastur og það er fólk sem er strax farið að tala um að hætta í skólanum! Það væri reyndar bara fínt því að þeir tóku inn met magn af nemendum og á 3. ári er bara eikkað pláss fyrir 100 manns og við erum núna 340!!!! Svo er ég í skyndihjálp, Latinu sem skipisti í læknisfræði latínu og læknisfræði ensku, communication skills (er ekki aaaaalveg með það á hreinu hvað við gerum í þessum tíma, tengist eitthvað að læra að tala til sjúklingana), Biostatistics(tölfræði, ekki auðvelt! og fléttast inn í biophysics) og svo tölvur.  Ég lúðin sem ég er, er eini íslendingurinn sem þarf að taka þennan áfanga klúðraði einhverju smá í einhverju stöðuprófi í Exel og já.  Þannig að 1x í viku verð ég með liðinu frá NAmibíu og einhverjum löndum sem tölvur eru framandi að læra eitthvað bull. pínu svekkjó.

Kennaranir eru allir mjög fínir, að sjálfsögðu sprenglærðir og tala tilbetur fer mjög fína ensku. Þeir eru víst annsi misjafnir.  En málið er að á 1. ári þá ertu neðst í fæðukeðjunni. Þú ert bara ekki neitt og kennararnir eru ekkert að leyna því. Efnafræði kennarinn sagði til dæmis þegar að við vorum að tala um atóm og orkuhvolf og rafeindir(electrons); Electrons are NOT stupiiid, STUDENTS are stuuuupid! já gott fólk, þá veit maður hvar maður stendur.
Ég og Gylfi ætlum að nota restina af laugardeginum(í dag) til þess að þrífa íbúðina okkar, þvo 100 vélar og læra smá.  Sunnudagurin verður svo eingaungu lærdómur. 

Í gær fórum við 9 saman út að borða í tillefni af afmælinu mínu, Ég og Gylfi hófum kvöldið hjá Bergþóru og Ragnheiði í fordrykk því þær eiga heima allveg niðrí bæ og röltum svo bara yfir á Wasabi. Þar borðuðum við NON STOP í 1 og hálfan tíma.  Eftir matin var förinni heitið í partí til hjúkkana (3 stelpur sem búa saman, 2 útskrifaðar hjukkur og eina búin með 2 ár).  Þar var garð partí og busavígsla.  Jesús sko! þau voru með Beer bong! ég er náttlega ekki beint mikill drykkjuhrútur en neyddist til þess eins og aðrir að smella niður einum bjór og einu Pálinka staupi og sjitt, þetta var ervitt. Er með þetta allt fest á filmu þannig að þegar ég læri að setja inn myndir getið þið hlegið ykkur máttlaus.  Mér til allrar hamingju ældi ég ekki eftir þetta og gat haldið andlitinu hehehe. Þegar þessu var lokið var bara stanslaust stuð og þeir eldri nemendur sem voru í stuði fóru að testa Bongið.  Eins og ekta íslensku partíi sæmir var gítarin tekin fram og sungin hinu ýmsu íslensku slagara.  Þegar klukkan var að ganga 3 ákvað ég og Gylfi bara að drífa okkur heim en ég get sagt að ég hafi verið mér og fjölskyldu minni til sóma hehe, var bara létt, ekkert rugl og sofnaði út frá Barni nátturunnar eftir Laxness í boði Hátegsvegsfjölslyldunnar, og þakka ég kærlega fyrir það

Annars er allt bara ljúft. hitinn loksins farin að lækka, fyrsti dagurin í langan tíma sem að ég sit ekki og svitna, það á að vera bannað að vera með skóla þegar að það er yfir 30°C, það bara er ekki hægt að einbeita sér.
En við fáum internet á mánudagin, lofa að ég kem upp einhverri myndasíðu sem fyrst af íbúðinni og solleis. 
Bið að heilsa heim kv. Helga Rut

Margir í læknanámi í Ungverjalandi
Um 70 Íslendingar leggja nú stund á læknisfræði í borginni Debrecen í Ungverjalandi. Kennari við læknaskólann segir að þeir hafi flestir margreynt að komast inn í læknadeildina hér en ekki tekist. Þeir þykja standa sig vel bæði í námi og starfi.

Í dag hefja 18 Íslendingar nám við læknadeild Háskólans í Debrecen í Ungverjalandi. Fyrsti íslenski læknirinn útskrifaðist þaðan árið 1999. Hamad Omer, kennari við læknadeildina, sagði í samtali við fréttastofu Útvarps að eftir það hafi íslenskum nemendum fjölgað jafnt og þétt.

Frá 2004 hafi 15 til 20 hafið nám á hverju hausti. Útsendarar frá læknadeild skólans koma til Íslands fjórum sinnum á ári og taka áhugasama í viðtöl.

Omer segir að alltaf heltist einhverjir úr lestinni og haldi til síns heima en flestir kunni vel við sig og ljúki námi. Hann segir flesta læknanemana hafa margsinnis reynt að komast inn í læknadeild Háskóla Íslands en ekki gengið og sjái ekki ástæðu til þess að halda áfram. Þeir standi sig eigi að síður vel í Ungverjalandi.

Ólafur Baldursson, sviðsstjóri kennslu- og fræðasviðs Landspítalans, segir að flestir þeirra sem lært hafa í Ungverjalandi reynist vel þegar heim er komið. Sumir stundi nám sitt að hluta hérlendis og margir hafi verið ráðnir sem kandídatar og síðar deildarlæknar.

Ólafur tekur fram að Landspítalinn meti alla lækna og læknanema sem hefji störf á spítalanum, farið sé ýtarlega yfir gögn hvers og eins og óskað eftir meðmælabréfum frá þeirri læknadeild sem viðkomandi útskrifaðist frá.


Langaði bara að henda þessu inn líka.  frænka hans Gylfa sem fylgdi honum út gerði þessa grein og las í útvarpinu, hún vinnur hjá RÚV btw.